Tamakkiisumik takussusiineq aamma inatsisitigut tunngaviit

Inuk soraarnerussutisianik pisartagalittut naatsorsorneqarpoq ukiumi pineqartumi decembarip 31-ani Kalaallit Nunaanni najugaqarpat, kommunillu soraarnerussutisianut nalunaarsuisarfiini ukiumi kisitsiviusumi qaammat decembarip tungaanut utoqqalinermi imaluunniit siusinaarluni soraarnerussutisiat aningaasartaannik tunngaviusunik tunineqarsimasutut nalunaarsorsimappat.

 

2020-mi decembarimi utoqqalinermi soraarnerussutisianik pisartagallit 3.943-usimapput. Taakkunannga 399-it Siusinaartumik pensionisiat pillugit Inatsisartut inatsisaani §13, Imm.2 malillugu aningaasanik utoqqaat illuiniinneq imaluunniit inissiisarfimmiinneq peqqutigalugu ineqarnermut nerisaqarnermullu ilassutaasunik pisartaqarsimapput.

 

Katillugit 2.407-it decembarimi siusinaarluni soraarnerussutisianik pisartagaqarput. Taakkunannga 130-t Siusinaartumik pensionisiat pillugit Inatsisartut inatsisaanni § 23 immikkoortoq 2 malillugu utoqqaat illuanni najugaqarnermut imaluunniit ulloq unnuarlu paaqqinnittarfinnut nerisaqarnermut ineqarnermullu akiliutit saniatigut nalinginnaasumik pisartakkamit appasinnerusumik pisartagaqarput.

 

2017-imiit 2020-mut soraarnerussutisiat Inatsisit malinneqartut agguarneri assigiiaakannerput. Sinaartumik soraarnerussutisiaqalersimasut allaanerusumik inissisimasut. §43-mi, Imm. 3 aamma 4 (inatsisip atuutsilerneranut tunngasoq) ikilerujussuarput. §15,§16 aamma §17-imut (appasinnerpaamik, akunnattumik qaffasinnerpaamillu siusinaarluni soraarnerussutisianut tunngasut), §9-mut (sulisinnaassutsimikkut annikillisimasut piginnaanngorsaanermik ingerlatsinngitsut) aamma §19-imut tunngasut (naleqquttumik akissarsiaqarfiusumik suliffeqalernissamut naleqquttumik akissarsiaqarfiusumik suliffeqalernissamut periarfissamik peqanngitsillugu) amerlatserujussuartut.

 

Takussutissiaq 1. Pisortanit soraarnerussutisiallit, inatsisini soraarnerussutisiat suuneri malillugit

	2017	2018	2019	2020
	Utoqqalinermi
§1, Imm. 1........................	1.842	1.830	1.866	1.919
§1, Imm. 2 ........................	1.395	1.409	1.416	1.381
§13, Imm. 2 .......................	380	380	374	399
§5, Imm. 2 ........................	172	151	164	244
Katillugit.........................	3.789	3.770	3.820	3.943
	Siusinaarluni
§15, §16 & §17.....................	173	389	523	515
§19 .............................	39	63	86	155
§23 .............................	144	135	129	130
§43, Imm. 3.......................	330	281	140	79
§43, Imm. 4.......................	830	735	495	399
§9, Imm. 1........................	.	.	19	81
§9, Imm. 2........................	764	782	998	1.048
Katillugit.........................	2.280	2.385	2.390	2.407

Najoqqutaq: Naatsorsueqqissaartarfik- kisitsisaataasivimmi kisitsisit takukkit (https://bank.stat.gl/SONPEN6). Utoqqalinersiaqarneq pillugu Inatsisartut inatsisaat aamma Siusinaartumik pensionisiat pillugit Inatsisartut inatsisaat uani takukkit: www.inatsisit.gl.

 

Takussutissiaq 1a: Siusinaarluni aamma utoqqalinermi soraarnerussutisiat inatsisini malinneqartut

Siusinaarluni §9, Imm. 1 & 2:	Siusinaartumik pensionisiat piginnaanngorsaanermik ingerlatsinngiffiunngitsut
Siusinaarluni §15:	Siusinaartumik pensionisiaqartitsisoq annikinnerpaamik pisartagarineqarsinnaasoq, qinnuteqaateqartut sulisinnaanera 51pct.-imiit 75 pct. tikillugu annertussuseqarsimassappat
Siusinaarluni §16:	Akunnattumik siusinaartumik pensionisiaqartitsisoqassaaq pensionisiaqartup sulisinnaassusia 26 pct.-ip 50 pct.--illu akornanni annertussusilerneqarsimappat.
Siusinaarluni §17:	Qaffasinnerpaamik siusinaartumik pensionisiaqartinneqassapput, innuttaasut 0 – 25 pct.-ip akornanni sulisinnaassuseqartut.
Siusinaarluni §19:	Najugaqarfigisami naleqquttumik akissarsiaqarfiusumik siusinaartumik pensionisiaqartoq suliffissaqartinneqanngippat.
Siusinaarluni §23:	Angerlarsimaffiup avataanut paaqqinnittarfimmut il.il. sivisunerusumik inissiisoqartillugu siusinaartumik pensionisiat ilanngarlugit tunniunneqassapput.
Siusinaarluni §43, Imm. 3 & 4:	Siusinaartumik pensioninut inatsisit nutaat atuutsilernerat pissutaalluni allannginerni.
Utoqqalilluni §1, Imm. 1 & 2:	Kisimiittuulluni imaluunniit aappaqarluni utoqqalinersiaqarneq.
Utoqqalilluni §5, Imm. 2:	Utoqqalinersiaqalersoq utoqqalinersiaqalernissamut maleruagassanik naammassinnissimanngitsumik aappaqarluni utoqqalinersiaqalernissaminut.
Utoqqalilluni §13, Imm. 2:	Utoqqalinersiat ikilineqassapput utoqqalinersiaqartoq paaqqinnittarfinni sivisunerusumik inissinneqarsimappat.